Наурыз

«Қош келдің, Әз  наурыз!»

    Шығыс халықтарының ежелгі мейрамы  Наурыз - ұлыстың ұлы  күні деп саналған. Ұлыстың ұлы күні адамдар бір-біріне  жақсы тілектер айтады, өз  ара  ренішті ұмытып,  татулыққа бет  бұрады. Жақсы  ниетпен дастархан  жайылып, қасиетті  жеті дәмді ниеттей отырып, Наурыз көже  пісіріледі. Осындай  наурыз мерекесі барлық  жерлерде  аталып өтіледі.

      Соның бірі, Т. Шаханов  атындағы № 3 орта  мектебінде  қазақ   бастауыш сыныптар   арасында тәрбие сағаты

«Қош келдің, Әз наурыз!»  атты мерекесі ерекше  аталып  өтті. Қазақтың салт  дәстүрлері: Келін түсіру, тал егу,төс

қағыстыру көрсетілді. Жеті шырақ, жер ана, алдар көсе т.б сахналық қойылымдар қойылды.

 Ұлттық ойындарынан  арқан тартысы ойыны ойнатылып, ән  айтылып, би биленді. Қазақтың ұлттық  «қаражорға» биін балалар ерекше, ықыласпен  сүйсіне биледі. Көрермендер қошеметін көрсетіп, шабыттарын оятты.  Әр сынып  ауылдарға  бөлініп, дастархан әзірленді. Қазақтың ұлттық  тағамдарынан, ет асылып, наурыз көжеден дәм татқызып,  бауырсақ,  шашу шашылды. Осы іс –шараға белсене қатысқан ұстаздар қауымына оқу ісінің меңгерушісі Молдажанова Б.Н алғыс айта отырып,  Жукенова Д.А, Маулен.А, Сматова А.У,  Алдебекова Л.Қ, Сыздыкова Р.С және де  ата – аналардың  ұйымшылдығына алғысын білдірді.    Достығы мен туыстығы, бірлігі мен ынтымағы жарасқан ұжымның еңбегі  биіктен  көрінді.